Richtig Heële
Vasteloavend i Heële? Dat is gee fes, dat is ing beleëving! Os sjtad broeëst wie noeëts ierder en dat veulste an al! Sinds 2024 is ’t fes nóg groeëter, nóg gemuutligger en nóg mieë verbonge mit d’r richtige Heëlesje vasteloavesgees. Uëveral in de sjtad zurge nuij boete activiteite vuur ing ongekinde sjfeer en e super Heële-geveul.
Dit alles vilt onger Richtig Heële, ’t communicatieconcept dat d’r zieël van d’r Heëlesje vasteloavend deet viere. Want vasteloavend is voäl mieë wie alling dich verkleije en fieëste. ’t Is verbinge: mit dieng roots, mit versjillende generasies en vuëral mitee. Hei i Heële viere ver neet alling vasteloavend, ver leëve ’t!
En dat vilt op. Sinds de lancering i 2024 versjpreid Richtig Heële zich wie inne golf va vroeëzin durch de sjtad. En dat neet alling! Och Gebrook en Heëlehei hant hunne eege vasteloaves-sjtempel gekrieëge: Richtig Gebrook en Richtig Heëlehei.
Zoeë viert giekere vasteloavesgek op zieng eege maneer, mar ummer mit d’rzellefde kamau en verbongeheet.
Klueër geëve
Um dizze unieke vasteloavend nog mieë klueër te geëve, gieëf ’t loestige posters, buttons en angere sjpulkes, gans in d’r neet te misse Heëlesje sjtijl. Want Heëlesje vasteloavesgekke zint good opgelag, expressief en vol vasteloavesvroezin, en dát moag gezieë weëde.
Mit d’r sjteun van ’t Ondernemersfonds Heerlen, in samewirking mit de geminde, Stichting Richtig Heële, de vasteloavesvereine, ozze horeca en ongernummers, bliet dit fes gruije en bluije.
Biste benuijd noa d’r program?
Kiek op www.richtigheele.nl .
Sfeerimpressie
Aanvragen
Heeft jouw ondernemerscollectief een mooi initiatief en kunnen jullie (financiële) ondersteuning gebruiken? Neem contact op met het Ondernemersfonds Heerlen.
Start aanvraag